Ármannshlaupið fór fram í blíðskaparveðri í Laugardalnum og nágrenni í kvöld. Keppt var á hraðri og skemmtilegri 10 km braut sem byrjaði og endaði við Laugaból, félagshús Ármanns og Þróttar í Laugardal. Als luku 225 hlaupinu í kvöld en 182 luku því árið 2009 þegar það var haldið í fyrsta sinn eftir margra ára hlé.

Sigurvegari í karlaflokki var Jósep Magnússon á tímanum 34:52. Í öðru sæti var Haraldur Tómas Hallgrímsson og í því þriðja Þórólfur Ingi Þórsson.

Í kvennaflokki sigraði Arndís Ýr Hafþórsdóttir á tímanum 38:29. María Kristín Gröndal varð í öðru sæti í kvennaflokki og Hrönn Guðmundsdóttir í þriðja sæti.

Smellið hér til að skoða úrslit úr Ármannshlaupinu 2010. Myndir frá hlaupinu eru væntanlegar á morgun á myndavef Frjálsíþróttadeildar Ármanns.