14.Laugavegshlaupinu er lokið. 279 hlauparar fóru af stað úr Landmannalaugum í morgun kl.9 og 267 náðu að ljúka hlaupinu. Veðrið var mjög gott í dag og voru hlauparar ánægðir með færið á leiðinni. Þó var mikið sólskin á hluta leiðarinnar sem gerði hlaupurum erfitt fyrir. Sigurvegari í karlaflokki var Þorlákur Jónsson og í kvennaflokki Helen Ólafsdóttir.

Helen sló brautarmet í kvennaflokki þegar hún kom í mark á tímanum 5:21:12. Gamla metið átti Bryndís Erntsdóttir en það var 5:31:15. Þorlákur var á tímanum 4:48:01 sem er um hálftíma frá metinu sem Þorbergur Ingi Jónsson setti í hlaupinu 2009. Helgi Júlíusson sem var í öðru sæti leiddi hlaupið um tíma en missi Þorberg framúr sér á síðasta hluta leiðarinnar.

Fyrstu karlar

1. Þorlákur Jónsson 4:48:01
2. Helgi Júlíusson 4:49:43
3. Valur Þórsson 4:54:09

Fyrstu konur

1. Helen Ólafsdóttir 5:21:12
2. Hólmfríður Vala Svavarsdóttir 5:28:10
3. Sif Jónsdóttir 5:49:15

Nánari úrslit má finna hér.

Smellið hér til að skoða myndir frá hlaupinu.