Allir íslenskir hlauparar sem skrá sig í Reykjavíkurmaraþon Íslandsbanka 2010 verða sjálfkrafa þátttakendur í Íslandsmeistaramótinu í maraþoni sem haldið er samhliða hlaupinu.

Fyrsta íslenska konan og fyrsti íslenski karlinn sem koma í mark í maraþoninu verða krýndir Íslandsmeistarar í maraþoni. Það er Frjálsíþróttasamband Íslands sem krýnir sigurvegarana en hlauparar í öðru og þriðja sæti fá einnig verðlaun frá Frjálsíþróttasambandinu.

Reykjavíkurmaraþon Íslandsbanka 2009 var einnig Íslandsmeistaramót í maraþoni. Þá sigruðu þau Valur Þórsson og Veronika Sigríður Bjarnadóttir.

Nánar um verðlaun í Reykjavíkurmaraþoni Íslandsbanka 2010 má finna hér.