Athugið að þátttökugjaldið fer hækkandi eftir því sem nær dregur hlaupi.
Verð miðast við einstakling nema í boðhlaupinu þar sem verð miðast við lið sem í geta verið 2-4 þátttakendur.

Fjölskylduafsláttur/barnaafsláttur - Skemmtiskokk og Latabæjarhlaup

• Fullorðnir og eitt barn borga fullt gjald en önnur börn borga 600 kr.
• Börn eru skilgreind sem 16 ára og yngri þ.e. fædd 1994 og síðar. 
• Gildir fyrir börn í skemmtiskokk og Latabæjarhlaup en fullorðnir geta hlaupið hvaða vegalengd sem er.
• Fjölskylduafsláttur er veittur ef fjölskyldan skráir sig saman á netinu eða á skráningahátíð degi fyrir hlaup.

Skráningin er eingöngu gild ef greitt er með Visa eða Mastercard kreditkorti.

Við skráningu í hlaup á vegum Reykjavíkurmaraþons þurfa þátttakendur að haka við að þeir samþykki skilmála hlaupsins. Ef ekki er hakað í samþykki fyrir skilmálum er ekki hægt að skrá sig í hlaupið. Smellið hér til að skoða skilmálana.

Innifalið í þátttökugjöldum Reykjavíkurmaraþons Íslandsbanka er meðal annars rásnúmer, tímatökuflaga, þátttökuverðlaun, stuttermabolur, sundferð í einhverja af sundlaugum Reykjavíkur, Barilla pastaveisla á skráningarhátíð, drykkir frá Powerade í marki og á drykkjarstöðvum auk tímatöku í keppnisvegalengdum.

ÍTR býður öllum þátttakendum í sund í sundlaugum Reykjavíkur á hlaupadaginn eða daginn eftir. Sérstakur aðgöngumiði fylgir keppnisgögnum sem þarf að afhenda í sundlaugunum.

Nánari upplýsingar um vegalengdir og aldurstakmörk í vegalengdir má finna með því að smella hér.

Á "mínum síðum" getur hver og einn þátttakandi fengið aðgang að sínum upplýsingum. Þar verður hægt að breyta skráningu gegn 500 kr breytingagjaldi en athugið líka að engar endurgreiðslur eru gerðar á þátttökugjöldum.