Á sumardaginn fyrsta verður Víðavangshlaup ÍR þreytt í 96. sinn. Víðavangshlaup ÍR var fyrst hlaupið árið 1916 að enskri fyrirmynd. Hlaupið hefur verið árviss viðburður og mun vera sá íþróttaviðburður hér á landi sem á lengsta samfelda sögu. Skemmtilegar sögulegar upplýsingar um hlaupið má finna á heimasíðu Íþróttafélags Reykjavíkur www.irsida.is.

Helstu upplýsingar um hlaupið

Tímasetning: Sumardaginn fyrsta 12.apríl 2010 kl. 12.00

Vegalengdir: 5 km

Staðsetning: Ræst frá Ráðhúsinu í Reykjavík

Skráning: Í Iðnó á hlaupdag frá kl. 10:30-11:45 og á hlaup.is. Forskráðir sig geta sótt gögnin sín í anddyri Frjálsíþróttahallarinnar í Laugardal daginn fyrir hlaupdag. Annars verða gögn afhent í Iðnó fimmtudaginn 21. apríl á milli kl. 10 og 11:45.

Þátttökugjald:
Forskráðir: 1.500 kr fyrir fullorðna 16 ára og eldri (f. 1994 og fyrr) og 500 kr fyrir börn 15 ára og yngri (f.1995 og síðar).
Skráning á keppnisstað á hlaupdag: 2.000 kr. fyrir 16 ára og eldri, 500 kr. fyrir 15 ára og yngri.

Hlaupaleið: Hlaupið er í kringum Tjörnina í miðborg Reykjavíkur. Rásmark er við Ráðhús Reykjavíkur, hlaupið upp Tjarnargötuna, til vinstri inn á Skothúsveg, kringum syðri hlutaTjarnarinnar, beygt til vinstri og meðfram Hringbraut, þaðan inn á Fríkirkjuveg, beygt til vinstri inn á Vonarstræti og það hlaupið til enda. Beygt til vinstri og upp Suðurgötuna, inn á Skúthúsveg, aftur kringum syðri hluta Tjarnarinnar, beygt til vinstri og meðfram Hringbraut, þaðan inn á Fríkirkjuveg og hann hlaupinn að Skothúsvegi, beygt inn á Skothúsveg, beygt af honum til hægri inn á Tjarnargötu og niður Tjarnargötuna en markið er við Ráðhúsið Reykjavíkur. Smellið hér til að skoða GoogleMaps kort.

Verðlaun:

• Fyrstu þrír karlar og fyrstu þrjár konur fá verðlaun
• Fyrsta sæti í hverjum aldursflokki fær verðlaun
• Þátttakendur yngri en 15 ára fá þátttökuverðlaun
• Útdráttarverðlaun

Allir þátttakendur fá glaðning í markinu og boðið er uppá kaffi og meðlæti í lok hlaups.

Verðlaunaafhending við Ráðhús Reykjavíkur strax að hlaupi loknu.

Heimasíða skipuleggjenda með nánari upplýsingum: irsida.is

Úrslit:

2010
Smellið hér til að skoða úrslit Víðavangshlaups ÍR 2010.

2009

Smellið hér til að skoða úrslit Víðavangshlaups ÍR 2009.