Stigahæsti karl og stigahæsta konan í öllum fimm hlaupunum samanlagt á Powerade mótaröðinni hljóta glæsilega ferðavinninga frá Iceland Express.  Hlauparar í öðru sæti fá íþróttaskó frá Asics og hlauparar í þriðja sæti fá vörur frá Vífilfelli. Það er árangur í vegalengdinni 10 km í öllum hlaupunum sem gildir til stiga á Powerade mótaröðinni nema í Víðavangshlaupi ÍR þar sem 5 km hlaup gildir til stiga.

Í ár verður einnig stigakeppni í aldursflokkum og hljóta stigahæstu hlaupararnir í eftirfarandi aldursflokkum karla og kvenna vörur frá Vífilfelli.

18 ára og yngri
19-39 ára
40-49 ára
50-59 ára
60 ára og eldri

Í síðasta hlaupi Powerade mótaraðarinnar, Reykjavíkurmaraþoni Íslandsbanka, verður dregið um verðlaun meðal allra keppanda mótaraðarinnar sem tekið hafa þátt í tveimur eða fleiri hlaupum. Hlaupari sem tekur þátt í öllum hlaupunum á meiri möguleika á að fá verðlaun þar sem hann fær nafn sitt fimm sinnum í pottinn sem útdráttarverðlaun eru dregin úr. Þeir sem hlaupa í fjórum hlaupum fá nafn sitt fjórum sinnum í pott o.s.frv. Í verðlaun er Powerade til að svala þorstanum og flugmiði frá Iceland Express.